موضة شتاء ~ 2013 ~ Winter Trend

بسم الله الرحمن الرحيم

مساء الخير جميلاتي

كيفكم مع الاجواء الجميلة؟

بدأ اقتراب الشتاء و حاليا بنلاحظ تغير كبير بالاجواء ( مرة برد و مرة حر ).. فاكيد بدانا بتخريج ملابس البرد من المخزان و شراء المزيد منها.. لذلك حبيت يكون هالبوست عن موضة الشتاء من ناحية برينت // نقشات الملابس..

حاليا بالاسواق لاحظت انتشار نقشتين بقوة بكل شئ  سواء بالملابس ,, الاكسسوارات,, الاحذية ,, الخ.. هالنقشتين هي الـ Plaid ( عبارة عن مربعات بالاحمر و الاسود او أي لون اخر ) و الـHoundstooth  ( عبارة عن نقشة جميلة بالابيض و الاسود ) جدا جميلة و متميزة و بتضيف لمسة مميزة لاي ستايل..

Plaid Print

نقشة الـ plaid او المربعات جدا جميلة و بتجي بالوان كثيرة بس اكثر شئ انشهرت به هو الي باللون الاسود والاحمر.. عن نفسي مرة حبيتها و اشتريت لي Blazer من زارا باللون الاحمر و الاسود و عجبني ستايله..

افضل التنسيقات لها هو انك تلبسي البلوزة او الجاكيت مع شئ سادة سواء بنطلون او تنورة او العكس.. و كمان اكثر الالوان الي بتركب معاها هي الابيض او الاسود او الوان الترابية بس اهم شئ مو لون صارخ لان النقشة لوحدها تكفي للبروز بالستايل..

Houndstooth Print



نقشة الـ Houndstooth  ايضا جميلة و بتجي باللون الابيض و الاسود و الوان اخرى.. بس فضلتها باللون الابيض و الاسود لان بتبين النقشة صح و تكون عملية اكثر باللبس..

افضل التنسيقات لها هو انك تختارين لون محايد مثل الاسود او الابيض او النيلي او أي لون حابته.. كمان تقدري تتمدجي معاها برينت ثاني اذا حابه كمان و بيجي ستايلها جميل و مميز..

Stripes

المخطط كمان منتشر بهالموسم و اكثر شئ ببلايز الصوف و ستايلها مرة حلوو بس ماتناسب كل جسم لان الخطوط العريضة بتخلي الجسم كانه مليئ اما الخطوط النحيفة فلا.. فاختاري مايناسبك.. 
افضل التنسيقات لها انك تلبسيها مع لون غامق جميل مثل العودي او الكحلي او الاخضر الغامق عشان يبرز لك الخطوط..

Stars & Polka Dots

 

النجمات على البلايز شئ جديد و مرة مرة حبيتها.. لوكها مرة كيوت و دلوع على بلايز الصوف بالذات اذا كانت cardigan كالصورة.. و افضل التنسيقات لها انك تلبسي الوان غامقة او فاتحة الي يريحك بس اهم شئ تبرز النجمات باي ستايل..

كمان هناك الدوائر منتشرة على البلايز و جدا جدا جميلة و لووكها كيوت على الملابس.. بتعطي ستايل فانكي بالذات اذا الدوائر جات صغيرة و كبيرة بنفس الوقت و بتناسب اغلب الاجسام.. افضل التنسيقات لها انك تلبسي أي لون حابته معاها لانها بتبرز باي ستايل..

Leopard Prints

كل موسم شتاء او خريف لازم يكون في جلد الفهد و يكون بكل شئ ( ملابس ,, اكسسوارات ,, شنط ,, احذية )..
انا من عشاق هالبرينت و بحب البسه كثيير وجدا مميز باي ستايل.. افضل التنسيقات لها انك تلبسي اي لون حابته غامق او فاتح و يمكن يكون لون متضارب معاه يعني مثلا البرينت يكون اسود زي الي بالصورة مع بنطلون نيلي او اورانج فبيكون الستايل حلووو و مميز و غريب بعض الشئ.. يمكن كمان تمزجي نقشتين // برينتين مع بعض اذا حابه ستايل بارز و ملفت للنظر..

Tribal Print

هالنقشة عبارة عن اشكال هندسية ممزوجة ببعض و بتعرف باسم نقشات قبلية لانها بتذكرنا برموز ونقشات الهنود الحمر و القبائل البرازيلية و المكسيكية.. هالسنة كانت منتشرة كثير بموسم الصيف والربيع لذلك بنلاحظ استمرارية ظهورها بموسم الشتاء.. هي جدا مميزة و جميلة و  بتعطيكي ستايل بوهيمي // غجري .. بس انتبهي اذا لبستيها ان تختارين المناسب لك لان اذا كانت قطعة اللبس كلها منقشة راح تبرز منطقة الجسم يعني مثلا لو لبستيها بلوزة راح يكون النظر للجزء العلوي من الجسم و لو لبستيها بنطلون راح يكون النظر للجزء السفلي من الجسم..

افضل التنسيقات لها انك تلبسي معاها الوان سادة  كالاسود ,, الابيض ,, الالوان الترابية..

** جميع الملابس بالصور حتكون متوفرة باحدى المحلات الاتية: بيرشيكا .. زارا .. مانجو .. H&M

أتمنى البوست يكون عجبكم

اعطوني ارائكم بليز ^_^