موضة جاكيتات شتاء ~ 2013 ~ Winter Jackets Trend

بسم الله الرحمن الرحيم


أهلين جميلاتي
مساء الخير

نزلت السوق قبل كم يوم و قعدت ادور على الجاكيت المثالي الي يناسب ستايلي و اكتشفت ان هناك ستايلات كثيرة للجاكيتات و بخامات منوعة. فحبيت اكتب عن ستايل الجاكيتات لان مو الكل عنده خلفية بهالموضوع. اتمنى ان شاء الله يعجبكم هالبوست.

الجاكيتات من الاشياء الاساسية الي لازم تكون بدولاب كل بنوتة و خصوصا مع الاجواء الباردة الي بنعيشها هالايام. و طبعا الجاكيتات في منها الخفيف و الثقيل و انتي ياحلوة بتختارين الي بيناسب اجواء المنطقة الي عايشة فيها. و ايضا لها موديلات مختلفة فيوجد الطويل و القصير و العادي منها و بخامات منوعة كالجلد و الصوف و الفرو و العديد. لذلك راح اتكلم بالتفصيل عن كل ستايل..



Leather Jackets

جاكيتات الجلد من الجاكيتات المعروفة من ايام زمان و لها لمسة مميزة بالستايل و فخامة. و لها موديلات كثيرة, فاذا حابة جاكيت بسيط اختاري النوع الي بيجيكي على الوسط و بدون لياقة عريضة و اذا جاكيت مميز اختاري Biker Leather Jacket الي بيجيكي موديله بلياقة عريضة و نازلة على الاكتاف( جدا جميل )..

 Fur

جاكيتات الفرو معروفة بالكلاسيكية لان دايما بنشوفها بأفلام الابيض و الاسود ( يا حلوها من ايام ). و بتضيف على أي ستايل فخامة و جمال. و دايما بتجي طويلة بس حاليا بشوفها قصيرة و طولها لحد الوسط او بتكون جاليه و مرة حلوة مع الفساتين القصيرة..

Combination Jackets

هالجاكيتات دايما بتكون بخامتين و الاغلب بتكون اكمامها من الجلد و الباقي من القماش العادي. جاكيت جدا جميل و مميز و بيضيف لمسة عجيبة لستايلك.. اكثر شئ بحبه بهالجاكيتات الوردي الي على اليمين لان بحب الياقات العريضة و بتدفي مزبووط.

Bomber

هالجاكيتات موديلها سبورتي وستايلها فانكي و جميل و من الجاكيتات المفضلة عندي لان تشجيراتها جميلة و ترندي و خفيفة باللبس مع ان في البعض منها قماشها ثقيل بس بيكون ساتان او حرير. حلوة جدا اذا حابة ستايل شبابي و كوول.

 Parka

اذا حابه جاكيت خفيف الوزن و يدفي صح اذا هذا المناسب لك. هالجاكيتات دايما بتجي بقبعة من الخلف و بالغالب تكون اطرافها من الفرو. حلوة و عملية و ستايلها بسيط و casual.



 Puffer Jackets

هالجاكيتات ثقيلة و محشية من الداخل عشان كذا شكلها بيجي زي البالون و بتخفي تقاسيم الجسم و بتعطيه هيئة انه ممتلئ و المميز بها انها تدفي مزبوط. افضل موديل بالهاجكيتات الي بتجيكي على شكل جاليه زي الصورة الي فوق لانها بتدفي صح و ماتنفخ الجسم بزيادة.

 

 Duffle Coats

هالستايل من الجاكيتات بتشبة جاكيتات البحارين بالافلام. جدا جميلة وباغلب جاكيتات هالستايل بتكون بقبعة من الخلف لتحميكي من الهواء البارد و الامطار و كمان بتكون ثقيلة لتدفيكي. انا حبيتها لانها بتدفيكي بستايل جميل.

Large Collar

الجاكيتات بلياقات عريضة من الستايلات المفضلة عندي. لها موديلات مختلفة لان في الي لياقاتها على شكل مثلث عريض على الصدر و اخرى لياقاتها عريضة بزيادة لتغطي الاكتاف ( حلوة و بستايل انوثي ).

Cape
  

هالجاكيتات ستايلها جديد و مرة منتشرة حاليا. فكرتها زي رداء ليلى بقصة ليلى و الذئب ^_^.. طبعا هي مجرد رداء يغطي الاكتاف و بتكون بدون اكمام.. حلوة و اكثر ستايل عجبني الزيتي الي فوق..

كل الملابس بهالبوست تلقوها بـمحلات Mango or Zara..

اتمنى يعجبكم البوست

اشوفكم على خير ببوست جديد

^_^