بسم الله الرحمن الرحيم
اهلين جميلاتي
عدا اول يوم دراسي على خير ،، و كل سنة و انتم طيبين حبايبي ،،
ان شاء الله تكون سنة جديدة حلووووه و نكون فيها صداقات جديدة و تجارب جديدة و مفيدة 
اكيد حابين تتكشخون و تتميزون قدام صحباتكم بالمدرسة ..
فبوست اليوم حيكون عن اكسسوارات الشعر المميزة و المناسبة لجميع انواع الشعر 
1. Hair Tie
ربطات الشعر صار لها اشكال متعددة و افضل شئ الربطات الي تجيكي دائريه بدون حديدة تربط بين الطرفين كالموجودة بالصورة..
هذا النوع انتشر بالاسواق حاليا و بتلقيه بكل مكان << انا شفته ب H&M
ميزته انه بيحمي الشعر و مايقطعه زي الي بنستخدمها عادة و بيكون خفيف عليه
و كمان اذا انتي حابه تربطي شعرك بعد الاستشوار ما بيترك تجعيد بالشعر
اشكالها مررره حلوووة و كمان الوانها و بتصير اسورة بنفس الوقت << توفير ٢ في ١ 
أفضل تسريحات لها هو قرن حصان مرتفع او ظفيرة جنبية او كعكع مجعد (( Messy Bun ))
الشكل الثاني من الربطات تجيكي كانها اذاني ارنوب.. مره مره كيوووووت و دلووع 
بتضيف ستايل على تسريحة قرن الحصان و تخلي شكلها مميز..
متوفرة بمحلات الاكسسوارات و شفتها بسيتي ماكس و سعرها مرره حلووو
هالربطات احلى شئ تلبسينها مع كعكع مرتفع او قرن الحصان العالي<< افضل شئ احب اسويه ،، خصوصا مع اجوائنا الحارة 
2. Bows
الفيونكات اكسسوار الانوثه.. << احسه يعطي مظهر انوثي و دلوووع لاي تسريحة
مرة مرة احبها و عندي الوان و اشكال كثييييييييرة منها
و انتشرت كثيييير بالاسواق و في منها مقاسات كثيرة.. متوفرة بمحلات الاكسسوارات و شخصيا احب اشتريها من مهجه او كشك فنون بالضيافة.. و اسعارها حلوووة من مهجة بريالين و فنون بين ال٢٠ و ٣٠ ريال
و احلى شئ تلبسيها اذا سويتي قرن حصان او كعكع (( Bun )) و كمان في تسريحات مررة تجي حلوة و لايقة معاها..
3. Hair bandeau
بندانات الشعر او ربطات الشعر مررررة دارجه هالايام و الوانها مرررة حلووووه و مناسبة للدوامات
لانها بتضيف لوون و ستايل لك و نحتاج هالشئ لان ملابسنا رسمية و مملله فنحتاج للون يبرز اللوك
كمان تعطيكي لووك بوهيمي او غجري حلووووو
طبعا بتلقينها باغلب محلات الاكسسوارت ،، سيتي ماكس ،، سنتربوينت ،، او بعض محلات الملابس
افضل التسريحات لها:
انك بترفعي شعرك كله على فوق بكعكع و تحطيها من قدام و تنزلي قصة..
تلبسي البندانا فوق الشعر بعدين تبدي تدخلين الشعر بوسط البندانا من ورا..
هالتسريحتين افضل شئ بالنسبة لي و احب اعملهم
كمان تجي على الجبهة بس يكون شعرك كيرلي او مجعد على خفيف << لووك بوهيمي خطيرر
أتمنى ان البوست اعجبكم
أنتظر أسمع أرائكم ^_^
ليست هناك تعليقات:
إرسال تعليق