موضة شنط المدارس 2013

العودة الى المدارس

بسم الله الرحمن رحيم

صراحة ماني مصدقة ان الاجازة خلصت،، مرت زي الهوا ماحسيت فيها.. مين الي زيي؟

يا الله ايام الفلة و الوناسة انتهت و بدا الشد و الجد

بس اعطيكم خبر يجنن انو بعد اسبوعين ان شاء الله راح يكون اليوم الوطني و اجازة تايم

ايش رايكم نبدا بموضوعنا واول بوست بالبلوق وهو عن تريند // موضة ٢٠١٣ لشنط المدارس،،

طبعا حيكون بالصور شنط خاصة لطالبات المدارس و كمان الجامعات << مانقدر ننساهم حبايب البي

شنط المدارس صار لها اشكال كثييييرة و موديلات متنوعة << ياويلي ع ايام الطفولة شكل واحد و اذا بشخصية كرتونية مااحد قدك

فصار في الي على شكل مربع و على شكل بيضاوي و موديلات تجنن..

وافضل انك تختارين الي يناسب ستايلك و يكفي لاغراضك الدراسية  

و هذي اشكال مررة عجبتني ،، فاختاري الي يناسبك  

اما لطالبات الجامعات فافضل شئ بيناسهم هو tote bag و هي شنطة واسعه و حجمها جدا مناسب لاغراض الجامعة او  cross body bag الي هي شنطة حبلها طويل عشان تلبسيها على جنب وفي منها مقاسات و هذا احلى شئ فيها عشان اذا عندك محاضرة وحدة او ثنتين يصير تاخذي شنطة صغيرة و خفيفة

Bags Trends

1. Floral Trend

موضة المشجر او المورد موجوده تقريبا كل سنة بموسمين الصيف و الربيع و انا مجنونه بالترند هذا لانه بيعطيكي مظهر انووووثي و دلوووع و انا اموت على اي شئ يدل على الانوثة..

2.Stripes Trend

انتشر تريند // موضة المخطط لفترة و بنلقاه بكل شئ بلايز ،، بناطيل ،، فساتين ،، تنانير ،، حتى بالشنط و بالوان متعددة.. مظهرها حلوو و بتعطيكي ستايل و بحب اكثر شئ المخطط بالاسود و الابيض

3. Polka Dots Trend

المنقط المنقط و مين مايحبه ..  و منتشرة هالموضة // التريند كثير بالاسواق و بنشوفه بكل شئ بالملابس و الشنط حتى بتصميم الاظافر منتشرة و مررة احبها..  

وهي ستايل جدا جميل و بيعطيكي لووك كوول و فانكي

4. Colorful & Color Blocking Trend

موضة // تريند الملون موجودة بكل موسم سواء صيف او شتاء و بتختلف الالوان بحسب الموسم

عندنا الالوان الصارخة و الفاتحة نشوفها بموسمي الصيف و الربيع (( وانا من عشاق هالموسمين لان بموت على موضتهم )) و الالوان الغامقة و المحمرة و الاورانج بنشوفها بموسمي الخريف و الشتاء..

وهالتريند بيناسب اكثر شئ للناس الهاديين الي بيحبوا الشنط السادة و الهادية.. 

و ايضا توجد موضة // تريند تضارب الالوان ،، يعني بيجيك لونين بستايل معين بس جدا بعيدين عن بعض زي اللون الاحمر مع الازرق او الاخضر و الاصفر.. جدا مميز

5. Tribal & Plaid Trend

هالموضة منتشرة بقوة بموسم الخريف و الشتاء ،، و هي موضة // تريند نقشة القبلية وهي نقشات قبائل الامازون و الهنود الحمر الي بتجيكي رسمات داخلة ببعض سواء دوائر او مثلثات و معينات وكذا،، و تجنن اشكالها و ستايلها جدا مميز و غريب

وكمان عندنا موضة // تريند الكروهات او المربعات داخله ببعض بتشبه كروهات بربري المعروفة ،، و جاية بالوان مختلفة و مررة حلوة و بتضيف على اي لووك تميز لانها بتبرز باي ستايل

6.  Prints Trend

موضة // تريند البرينت هو الي تجيكي الشنطة مشجره بجلد النمر او الفهد او حمار الوحش او اي حيوان اخر ،، و احب ثنتين على قلبي هو جلد الفهد و الثعبان ،، بمووت عليهم بكل شئ سواء ملابس او اكسسوارات ... و هالتريند منتشر بقوة بموسم الخريف و الشتاء لهذي السنة .. 

ايضا هناك موضة // تريند الجرافيك الي هي رسومات تشبه الكرتون بس واقعية اكثر و كمان رسومات ثلاثية الابعاد مررررررة شكلها غريب و حلووو

أتمنى الموضوع عجبكم..

أنتظر اسمع أرائكم جميلاتي ^_^